سوالف الشباب في الباص ! عجيييب خخخخخخخخ

السلام عليكم ورحمة الله وبركاته

شخباركم شو مسوين .. ان شاء الله مرتاحين

سوالف الشباب في الباص!

طبعا محد ينكر الهدوء إلي يكون في باصات الشباب وهذه بعض سوالف

الشباب في الباصات الله ثم الله يعين الدريوليه

تفضلوا هاذي المواقف عن الشباب

عشاق الكرة

نفر 1 :: يا خووك احلى شي عاد لين الشباااااااااب تصدر الدوري
نفر 2:: ايه والله .. جفت قول آيتوو عاد شق المرمى شق فديته هالريال
نفر 3 :: روحووو مناك .. بييكم الشبح المدريدي بينثـر هاليهال
نفر 1 :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب

المغازلجـيـه

نفر 1 :: اااخ يا الحبيب جفتهااا .. هذي قاعده صوب الدريول
نفر 2 :: تقصد هذي ام العباة فيها ستين فراشه ؟!
نفر 1 :: لااا يا حظي العوي .. اللي عباتها الخفاش ..
نفر 2 :: هيه هذي كشخه يابووك بس يقولون ما تعطي ويـه
نفر 1:: ما عليك منها .. بتطيح بتطيح ..

عاد الاخو اييب تاريخ اهلها واجدادها على اساس ان انا اعرفها ترى !

المطينزجـيـه ( راعيين المطنزه )

نفر 1 :: جووف جووف .. هذي ام عباة راس صدقني بطيح
نفر 2:: شدراك انها بطيح ؟! الا اذا عينك فـرن
نفر 1 :: يا العله بتجووف احين

" البنت بتنزل من الباص "

نفر 1:: اختيييييييييه عبااتج

طــــــــم طـــرااااخ ( طيحه على الويه )

نفر 1 & 2 :: هههههههههه

وتقعد تسب فيهم وتلعن وهم للحين يضحكون عليها

عشاق الكتب ( ما يشيل راسه من الكتاب ساعه )

نفر 1 ( قاعد يراجع اخر درس من الماده )
نفر 2:: وين وصلت اي بوينت ؟!
نفر 1:: الصفحه 6 بس مب فاهمها .. تشرحها لي ؟!
نفر 2:: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم :يلاااا روح بيت

صبيان على غير العاده " هاذيله في حالهم"

نفر 1 :: هلا شحالك ؟!
نفر 2:: بخير الله يسلمك شخبارك انت ؟!
نفر 1 :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد

عشاق البتـه(الورقة) و الاونو

نفر (1):: العـــــب ويا راسك هاذا .. تقط لي ثنتين الكلفس
نفر (2) :: عشان اتييك الاكـلـه العدلـه ( يلعبون كوت )
نفر (1):: يا عمـــي .. بنجوف ترى الجوكـر يايك يايك
نفر (3):: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب

عشاق الاغانـي والطقطقه

نفر(1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح
نفر (1):: ليه الجفااا .. ليه تهجرنــي وانااااا وانا وانا احبك ..
نفر (1) :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !

فئة الموضـه

نفر (1):: شفت وائل كفوري شمسوي والله شعره مالي الا اروح الريتز يسوونه لي صاير شعري مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

هذول مساكين بعد .. اخرة هالقصات بيسوون تسريحة المطربة صباح !

فئة البناتـيـه

نفر(1):: دايس على ريل الثاني عن غير قصد
نفر (2):: آآآي يعوورني >>>>> (وااااااي لازم يروح المستشفى نزيف حاد)
نفر (1):: اوه سوري عورتك وايد ؟!
نفر (2):: لا لا خلاص طاف حبيبي
نفر (1):: لا صج عورتك ؟ اسف يا قلبي ما كان قصدي اجرح مشاعرك >>>>> ( ياريت كل الناس شراتك )

مـــــــــــع تحيـــــــــــــــــــــــاتـــــ
زعبيلاوي

منقوووووووووووووووووووووووووول

عشاق الاغانـي والطقطقه

نفر(1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح
نفر (1):: ليه الجفااا .. ليه تهجرنــي وانااااا وانا وانا احبك ..
نفر (1) :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !

خخخخخخخخخ

نآآيس موضووع ..

تقبل طلتي ^_^